काठमाण्डौ । संसारको सबैभन्दा होचा जीवित व्यक्ति बनेका छन् इरानका अफसिन इस्माइल गदरजादे बनेका छन्। उनको उचाइ ६५.२४ सेन्टिमिटर छ। गिनिज वर्ल्ड रेकर्डले प्रमाणीकरण गरेकामध्ये चौथो सबैभन्दा होचा व्यक्ति हुन्।
![](https://arthiklive.com/wp-content/uploads/2023/01/aa2-scaled.jpeg)
अफसिन स्मार्टफोन चलाउन सिपालु छन्। तर, उनलाई फोन बोकेर हिँड्न सकस हुन्छ। ‘धेरैबेर चलाउनलाई फोन ज्यादा गह्रौँ हुन्छ। तैपनि म चलाउँछु,’ उनी भन्छन्। गाउँमा उनका लागि कुनै काम छैन। उनी कार्टुन हेरेर र सामाजिक सञ्जाल स्क्रोल गरेर समय कटाउँछन्। एक साथीको सहयोगमा उनी इन्स्टाग्राम चलाउँछन्। स्थानीयबासीमाझ अफसिन निकै लोकप्रिय छन्। तर, गाउँमा उनी एक्लै हिँड्न सक्दैनन्। त्यसैले बुबाआमामध्ये सधैँ एक जना उनको साथमा हुनुपर्छ। उनी आफैँ हिँड्न सक्छन्। तर, कहिलेकाहीँ अरुले बोकेको मन पराउँछन्। बच्चाका लागि बजारमा आएका कपडा उनलाई ठिक हुन्छन्। तर, बच्चाका लागि भनेर बनाइएका डिजाइन उनलाई फिटिक्कै मन पर्दैन। त्यसैले सिलाउन दिएर कपडा तयार गर्छन् उनी।
खेल नखेले पनि उनलाई जब कुर्दिस संगीत बज्छ, तब नाच्न खुब मन पर्छ। यसअघि २०१० मा ६७.०८ सेन्टिमिटरका नेपालका खगेन्द्र थापामगर विश्वकै होचा व्यक्ति बनेका थिए। एक वर्षपछि उनको कीर्तिमान तोडियो। फेरि २०१२ मा नेपालका चन्द्र डाँगी सबैभन्दा होचा व्यक्ति भए। ५४.६ सेन्टिमिटरका उनी हालसम्म भेटिएकामध्ये सबैभन्दा होचा व्यक्ति हुन्। तर, २०१५ मा उनको निधनपछि थापामगर फेरि होचा व्यक्ति बने। २०२० मा उनको पनि मृत्यु भयो। गिनिज वर्ल्ड रेकर्ड
प्रतिक्रिया दिनुहोस्