भदौ महिनाका लागि बैंकहरुको नयाँ ब्याजदर

काठमाडौं । भदौ महिनादेखि लागू हुने ब्याजदर वाणिज्य बैंकहरुले सार्वजनिक गरेका छन्। साउनको तुलनामा २० बैंकमध्ये ८ वटाले व्यक्तिगत मुद्दति निक्षेपको अधिकतम ब्याजदर घटाएका छन् भने १ बैंकले मात्र बढाएको छ।

स्ट्याण्डर्ड चार्टर्ड, लक्ष्मी सनराइज, एभरेष्ट, सानिमा, कुमारी, सिद्धार्थ, कृषि विकास र नेपाल एसबीआई बैंकले ब्याजदर तल झारेका हुन्। यसमध्ये सबैभन्दा धेरै स्ट्याण्डर्ड चार्टर्ड बैंकले घटाएको छ। साउनमा ६.२६ प्रतिशत ब्याज दिइरहेकोमा भदौमा घटाएर ५.१३५ प्रतिशतमा ल्याएको छ।

प्रभु बैंकले भने ब्याजदर बढाएको छ। साउनमा सबैभन्दा कम ४.२५ प्रतिशत ब्याज दिने प्रभुले भदौमा १.१ प्रतिशत बढाउँदै ५.३५ प्रतिशत पुर्‍याएको हो।

व्यक्तिगत मुद्दति निक्षेपमा एनआईसी एशिया बैंकले भदौ महिनामा सबैभन्दा बढी ६.२५ प्रतिशत ब्याज दिनेछ। यसले साउन महिनाकै ब्याजदरलाई निरन्तरता दिएको हो। त्यस्तै, सबैभन्दा कम ब्याजदर लक्ष्मी सनराइज बैंकको रहेको छ, जसले अधिकतम ५ प्रतिशत मात्र दिनेछ।

संस्थागत मुद्दति निक्षेपमा भने ७ वाणिज्य बैंकहरुले ब्याजदर घटाएका छन्। कुनै पनि बैंकले बढाएको छैन। यस प्रकारको निक्षेपमा ब्याजदर औसतमा ०.१५ प्रतिशतले घटेको प्राधिकरणले जनाएको छ।

कुन बै‌कले कति व्याज दिन्छ ?