कुमारी बैंकको मोबाइल बैंकिङ एपद्वारा मुद्दती निक्षेपबाट कर्जा लिन सकिने

आर्थिक लाइभ
आर्थिक लाइभ १४ चैत्र २०८०, बुधबार
2 Min Read
Aa

काठमाडौं । कुमारी बैंकमा मुद्दती निक्षेप र रिकरीङ निक्षेप भएका बचतकर्ताले अब कुमारी बैंकको मोबाइल बैंकिङ एपको प्रयोग गरि निक्षेपको ९०% सम्म कर्जा सुविधा सजिलै र तुरुन्तै लिन सकिने बैंकले जनाएको छ । हालसम्म यो सेवा लिनको लागि बचतकर्ता स्वयम् बैंकको शाखामा उपस्थित हुनुपर्ने अवस्था थियो भने बैंकले आफ्नो एपको पछिल्लो संस्करणमा बचतकर्ताको समयको महत्वलाई मध्यनजर गर्दै अबदेखि सो सेवा घर बसेर नै लिन सकिने व्यवस्था गरेको छ ।
मोबाइल बैंकिङ एपद्वारा कर्जा लिँदा ब्याजदरमा ०.२५% छुट पनि रहेको छ भने यस्तो प्रकारको कर्जा लिनको लागि कुनै पनि किसिमको कागजी प्रकृयाहरू नहुने र मोबाइल बैंकिङ एपमार्फत यो सुविधा चौबिसै घण्टा उपलब्ध रहने ब्यहोरा बैंकले सार्वजनिक गरेको छ ।

निक्षेपकर्तालाई आवश्यकता परेको अवस्थामा निक्षेपकर्ताले आफ्नो मुद्दती निक्षेपलाई रद्द नगरी, मोबाइल बैंकिङ एपमार्फत सामान्य केही क्लिकहरु गरेको आधारमै आफ्नो बैंक खातामा तुरुन्तै कर्जाको रकम प्राप्त गर्न सक्नेछन् । कुमारी बैंकले पछिल्लो समयमा यस प्रकारका धेरै डिजिटल सेवासुविधाहरु उपलब्ध गराउँदै आएको छ, जसले नेपालको बैंकिङ्ग तथा डिजिटल क्षेत्र प्रबर्द्धन गर्न ठुलो योगदान पुर्याएको छ ।

विगत २२ वर्षदेखि निरन्तर बैंकिङ सेवा दिँदै आएको कुमारी बैंकले आफ्ना देशभर रहेका ३०२ शाखा सञ्जाल, ३१५ एटीएम, ५० एक्स्टेन्सन काउण्टर तथा ६५ शाखारहित बैंकिङ ईकाईहरु मार्फत आफ्ना ग्राहक वर्गलाई अत्याधुनिक तथा प्रभावकारी सेवाहरु प्रदान गर्दै आइरहेको छ र आगामी दिनहरूमा पनि अझ सरल, सुलभ तथा उत्कृष्ट सेवाका निमित्त सहकार्यहरू गर्दै जाने प्रतिबद्धता जनाएको छ ।

प्रतिक्रिया दिनुहोस्

Array