काठमाडौं । स्मार्टफोन र उपभोक्ता बजारमा सक्रिय शाओमी अब नयाँ बजारमा प्रवेश गर्ने तयारीमा छ। ब्लुमबर्गको रिपोर्ट अनुसार शाओमी कर्पले इलेक्ट्रिक कार ल्याउने तयारी गरिरहेको छ। यसका लागि शाओमीले बेइजिङ अटोमोटिभ समूहसँग कुराकानी गरिरहेको छ।
कम्पनीले सन् २०२४ सम्ममा आफ्नो कार ल्याउने तयारी गरेको छ। दुवै ठूला कम्पनीले एक–अर्कालाई समर्थन गर्न विभिन्न विकल्प खोजिरहेका छन्। यदि रिपोर्टहरु विश्वास गर्ने हो भने शाओमीले बेइजिङ हुन्डाई नम्बर २ योजनाहरुमा केही हिस्सेदारी किन्न पनि योजना गरिरहेको छ। यो कम्पनीसँग चीनमा कार निर्माणको पूर्ण इजाजतपत्र छ। शाओमी र बेइजिङ अटोमोटिभले सहकार्यमा कार निर्माण गर्न सक्छन्।
प्रतिक्रिया दिनुहोस्